Tuesday, October 27, 2009

මුහුද... වෙරළ... හා අහස...




පොඩි බ්ලොග් ලිපියක් ලියන්න හිතුනා මගේ මේ රාජකාරී මැද්දේ... ඔළුවේ තියෙන ආතතිය යන්නත් එක්ක තමයි මේ ලිපිය ලියන්නේ... පහුගිය මගේ ලිපි වලින් දකින්න ඇති මං ආගිය දිහා... වැඩිපුරම රටේ වාටියට ලං කරලා තමයි ගියේ.. ඇත්තටම කිව්වොත් අපේ මේ පුංචි ලංකාවට ලස්සන වාටියක් මහලා තියෙනවා.. ඒක හැඩ වැඩ දාපු, මල් මෝස්තර දාපු, බීක්කු කපපු, පාට පාට වාටියක් තමයි.. ඒ තමයි අපේ ලංකාව වටේට තියෙන සුන්දර මුහුදු තීරය...

මගේ ජීවිතේ මං ආසම තැන් දෙකක් තමයි මුහුදු වෙරළ හා අහස කියන්නේ... මට මුළු ලෝකෙම වුනත් අමතක කරන්න පුළුවන් ඒ තැන් දෙක පේන තැනකට ගියපු වෙලාවට... මුහුදු වෙරළක් ළඟට ගියපුවාම වෙරළයි අහසයි දෙකම බලාගන්න පුළුවන්.. ඒ වගේම අහස මුහුදේ ගිලෙන හැටිත් අපට පේනවා... එත් ලෝකේ ලොකුම බොරුවත් ඒකයි කියලයි මට නම් හිතෙන්නේ.. ඒ කිව්වේ අපිට ඇත්තටම එතන පේන්නේ මායාවක්නේ... අපි ජීවිතේ වැඩිපුරම ආසා කරන්නේ අපට ලබාගන්න බැරිදේවල් වලට... ළඟ තියෙන දේට අපේ වැඩිපුර ආසාවක් නෑ... අපට ලබාගන්න අමාරු මායාවන්ට තමයි අපි ආසාවෙන් බැ‍ඳෙන්නේ... හරි හරි පිලොසොපි පාරවල් දාන්න ඕනේ නෑ.. :) කියන්න ගියපු දේ කියලා ඉමුකෝ..

මට ගිය සතියේ පුත්තලමේ යන්න රාජකාරියක් යෙදුනා.. ඊටත් කලිං සතියේ නැගෙනහිර පළාතට ගියා.. (ඒ ගැන තිබ්බ ලිපිය කියවන්න ඇතිනේ..) මේ සතියේ වාද්දූවේ ගියා... හැබැයි වැඩකට නෙමෙයි, වැඩක් ඉවර වෙලා නවතින්න... ඉතින් පුත්තලමේ වැඩි වෙලාවක් ඉන්න නම් ලැබුනේ නෑ.. ඒත් පුත්තලම් කලපුවේ දර්ශණ කීපයක් ගන්න අවස්ථාවක් ලැබුනා.. පුත්තලම නගරාසන්නයේ නිසා ටිකක් විතර ඒ හරිය නම් අපිරිසිදුයි.. වාද්දූවේ ගියේ රෑ නවතින්න.. හවස 6.00 විතර වෙද්දී වාද්දූව හොලිඩේ රෙසෝට් කියන තැනට ගියා.. මං නම් මීට කලින් ගොඩක් වාරයක් මෙතනට ඇවිත් ගිහිං තියෙනවා.. ඒත් මේ පාර ටිකක් කලිං එන්න පුළුවන් වුන නිසා මට හිතුනා ජායාරූප ටිකක් ගන්න.. වාහනෙන් බැහැපු ගමං දූවලා ගියා වෙරළට... ඉර නම් බැහැලා ගිහිං.. ඒත් එළිය තිබ්බා.. මගේ k750i කැමරා දුරකථනයත් දිගෑරගෙන දිගට හරහට ඡායාරූප ගත්තා.. වෙරළත් අහසත් මුහු වුනාම පුදුම ලස්සනක් තියෙන්නේ.. ඒ වෙලාවට හැදෙන එක එක පාට නිපොලැක් කලර් කාඩ් එකේවත් නෑ... ඒ විදිහටම තියෙනවා නම් පැය ගාණක් වුනත් බලාගෙන ඉන්න පුළුවන්... ඒත් හොඳ දේ ටිකයි කියලා කථාවක් තියෙනවානේ, ඉතින් ඒ විදිහටම ඉර හොඳට බැහැලා ගිහින් අන්ධකාර වුනාට පස්සේ මං ආවා.. නැතුව ඉතින් ටෝච් ගහලා පො‍‍ටෝ ගන්ඩයැ... නේද ?

ආහ් අද (27/10/2009) විශේෂ දෙයක් සිද්ධ වුනා.. අපේ ‍ජ්‍යෙෂ්ඨ බ්ලොග්කරුවෙක් වන ප්‍රවීන් ඉන්ද්‍රනාම ‍සහෝදරයා කොළඹ නගර සභා ශාලාව ඉදිරිපිට බස්නැවතුම්පළ ළඟින් අහම්බෙන් මුණගැසුනා...

පුත්තලම් කලපුවේ දර්ශණ කීපයක්






මේ පහළින් තියෙන්නේ වාහනේ යන ගමන් මොරටුව හරියෙදී ගත්ත දර්ශණ කීපයක්...






වාද්දූව මුහුදු වෙරළ හා අවට













3 අදහස්:

charithsriyan on October 28, 2009 at 1:43 AM said...

වාද්දුවෙ ආව වෙලාවෙ අපේ ගෙදරටත් එන්න තිබ්බනෙ.මම ඉන්නෙ පානදුරේ.ආපහු සැරයක් කලුතර,වාද්දුව,පානදුර පැත්තෙ එනවනම් කියන්න.

මාත් ඊලග සුමානෙ විතර අනුරාධපුරයට එනව රජරට විශ්ව විද්‍යාලයෙ වැඩකට, එදාම හවස යන්න බලාගෙන.මට දැන ගන්න ඕනෙ අනුරාධපුර දුම්රිය ස්ථානයෙ ඉදන් විශ්ව විද්‍යාලයෙ විද්‍යා පීඨයට යන්න කොච්චර වෙලා යනවද කියල?විශ්ව විද්‍යාලයෙ විද්‍යා පීඨය තියෙන්නෙ මිහින්තලේ නේද?වැඩි විස්තර දැන ගන්න ඕනෙ වුනොත් email කරල ඇහුවට කමක් නැහැනෙ...:)

උෂාන් කෝදාගොඩ විතාරණ on October 28, 2009 at 8:14 AM said...

ෂ ලස්සනයි photo ටික මුහුද ලග තනියෙන්ම ටිකක් වෙලා ඉන්නකොට මාරයි නේ

Indranama on October 28, 2009 at 9:58 AM said...

"ජ්‍යෙෂ්ඨ" ??? හා..හා..හා... lolz :D
අඳුරගන්න ලැබීම සතුටුයි මචං. උඹ පොටෝ වලින් දැකලා මාව අඳුරගත්තා නේද කොහොමහරි !

 

Udara's Blog || රජරට පුත‍්‍රයාගේ බ්ලොග් එක.. Blak Magik is Designed by productive dreams for smashing magazine Bloggerized by Ipiet © 2009